Ylli i Real Madridit, Vinicius Junior, ka reaguar pas dënimit me katër ndeshje suspendim në La Liga. Braziliani ka kritikuar kohën e komunikimit të vendimit, ndërsa ka pranuar se aktualisht nuk po luan në nivelin e tij më të mirë.
Vinicius Junior ka folur pas fitores 4:3 të Real Madridit ndaj Romës në Ligën e Kampionëve.
Sulmuesi brazilian është dënuar me katër ndeshje suspendim në kampionatin spanjoll, pas përjashtimit në ndeshjen kundër Villarrealit dhe protestave ndaj gjyqtarit. Ai do të mungojë edhe në përballjen e rëndësishme ndaj Barcelonës.
Vinicius ka shprehur pakënaqësi për mënyrën dhe kohën kur është njoftuar për dënimin. Ka thënë se vendimin e kuptoi vetëm pasi arriti në stadium për ndeshjen ndaj Romës.
“Kanë pasur gjithë ditën për ta marrë vendimin dhe unë jam njoftuar vetëm kur kam arritur në stadium. Nuk e kuptoj pse”, ka deklaruar Vinicius, shkruan të enjten “Blick”.
Braziliani ka qenë vetëkritik kur ka folur për paraqitjet e tij të fundit me fanellën e Real Madridit.
“Nuk jam i shqetësuar, por jam i zemëruar me veten që nuk jam në nivelin tim më të mirë. Vinicius gjithmonë rikthehet dhe nuk kam dyshim se do të rikthehem”, ka thënë 26-vjeçari.