Papritmas, “Allianz Arena” ra në heshtje. Në minutën e 81-të, Jamal Musiala shënoi për 3:1 në të mirë të Bayernit ndaj Leipzigut. Dhe më pas në minutën e 83-të, mesfushori i Bayernit u rrëzua në mes të fushës.
Ismael Saibari, debutuesi dhe asistuesi i golit të Musialas, ishte i pari që kuptoi seriozitetin e situatës. Ai vrapoi drejt shokut të ri të skuadrës dhe e mbështeti. E lëshoi butësisht në fushë, së bashku me Joshua Kimmich, dhe bëri me dorë për ndihmë të mjekëve.
Derisa arena u hesht, gjërat u bënë kaotike, të paktën për disa momente. Lojtarët e Bayernit dhe Leipzigut bënë veprime të furishme, duke kërkuar ambulancën dhe barelën. Tifozët në stadium bërtitën “ngutu”.
Shpejt kishte një ndjenjë lehtësimi kur mjeku dha një shenjë pozitive. Mjekët tjerë u kthyen me barelë dhe spektatorët duartrokitën.
Nuk ishte aq keq sa u mendua fillimisht. Musiala u ngrit në këmbë dhe doli nga fusha përkrah mjekut të ekipit, Jochen Hahne. Futbollisti ishte dukshëm i hutuar dhe disi i tronditur, shkruan të dielën “Kicker”, një ditë pas skenës së frikshme.
además
Messi falla un penalti, el Inter Miami pierde 4-1.
Trajneri i Bayernit, Vincent Kompany e përkëdheli shkurtimisht lojtarin e tij në kokë, përpara se ta dërgonte Bara Sapoko Ndiayen në fushë në vend të Musialas.
Gjatë dy minutave të pasigurisë, Saibari i kishte dhënë tashmë trajnerit të tij një sinjal të shpejtë se çdo gjë ishte në rregull. Ai vetë duhet të ketë përjetuar një ndjesi të pakëndshme që e ka përjetuar më parë.
Në verën e vitit 2017, shoku i Saibarit, Abdelhak Nouri, u rrëzua në fushë gjatë një miqësoreje të Ajaxit me Werder Bremenin, në Austri. Edhe në atë ndeshje temperaturat ishin mbi 30 gradë Celsius.
Nouri, 20-vjeçar, dhe i njohur thjesht si “Appie”, ishte më pak me fat. Ai pësoi arrest kardiak dhe iu desh të ringjallej në fushë. I mbijetoi incidentit, por Nuri pësoi dëmtime të rënda në tru.
Fanella me numër 34 e Nourit është tërhequr që atëherë nga Ajaxi.
Te Bayerni, fanella me numër 34 mbahet nga Saibari. Ylli i Marokut ka vendosur ta mbajë këtë numër në nderim të mikut të tij, Nourit. Kështu kanë bërë edhe Justin Kluivert te Roma dhe Donny van de Beek te Manchester Unitedi.
Ndërkohë Musiala është rikuperuar që në zhveshtore.
además
Rrahmani debuta con una victoria en Venecia.
“Gjëja më e rëndësishme është që ai është mirë”, ka thënë më pas drejtori sportiv i Bayernit, Max Eberl.
Reprezentuesi gjerman u kthye në stërvitje të Bayernit vetëm të hënën, pasi pjesa më e madhe e skuadrës përfundoi turneun në Azi. 23-vjeçari e hoqi një pllakë nga këmba, pas eliminimit të Gjermanisë nga Kupa e Botës. Ai mungoi gjatë edicionin e kaluar për shkak të një lëndimi.
