Përfaqësuesja e Skocisë ka barazuar pa gola me Slloveninë të shtunën pasdite në kuadër të ndeshjes së parë të Grupit B1 të Ligës së Kombeve.
Ndeshja u zhvillua në stadiumin “Stozice” në Lubjanë në pranin e 12 mijë shikuesve.
Skocia ishte dukshëm më kërkuese gjatë ndeshjes, duke krijuar më shumë raste për shënim.
Skocezët regjistruan 17 tentativa drejt portës, ndërsa Sllovenia pati vetëm katër.
Edhe në posedimin e topit, avantazhi ishte në anën e Skocisë.
Pavarësisht rasteve, të dyja përfaqësueset nuk arritën t’i konkretizonin rastet.
Në grup me Skocinë dhe Slloveninë janë edhe Zvicra dhe Maqedonia e Veriut.