(Blick) – Në pranverën e vitit 2020, koronavirusi arriti edhe te futbollistët profesionistë. Dy vjet më vonë, pas dy testeve pozitive, kapiteni i Zvicrës, Granit Xhaka, u vaksinua. Ose të paktën kështu pretendohet, pasi Prokuroria ka nisur hetimet. Mediumi zviceran “Blick” të shtunën ka shfaqur kronologjikisht gjithë ngjarjen se për çfarë bëhet fjalë.
Mars 2020 – Sezoni ndërpritet
Pandemia kishte ndikim në futboll. Premier League u ndërpre për shkak të COVID-19. Më 7 mars, Arsenali luajti ndaj West Hamit (1:0), ndërsa Xhaka e kompletoi ndeshjen. “Topçinjtë” ishin në mesin e tabelës. Sezoni më pas përfundoi në verë, ndërsa Arsenali përfundoi i teti.
Vera 2020: Shtyhet Kampionati Evropian
Përfaqësuesja e Zvicrës dhe ylli Granit Xhaka duhej që të luanin në Kampionatin Evropian në atë verë. Megjithatë, turneu u shty për shkak të pandemisë së koronavirusit.
Vera 2021: Zhvillohet Evropiani
Pavarësisht rritjes së shkallës së infektimit dhe përhapjes së variantit Delta, “Euro 2020” u mbajt në verën e vitit 2021. Në atë kohë, kërkesa kishte për karantinim dhe testime për udhëtime në ndeshje, në shtete të ndryshme në Evropë. Për Zvicrën, turneu përfundoi në çerekfinalen me Spanjën, pas ekzekutimit të penalltive. Xhaka nuk luajti në ndeshjen e fazës nokaut për shkak të suspendimit.
Gusht 2021: Përfaqësuesja e ndërpret kampanjën e vaksinimit
Për të arritur te të rinjtë dhe tek emigrantët nëpërmjet kampanjës së vaksinimit, Zyra Federale e Shëndetit Publik, dëshiron të bashkëpunojë me përfaqësuesen e Zvicrës. Megjithatë, kampanja e përbashkët me Xhakën, Sommerin dhe të tjerët, nuk u realizua. Shpjegim dha Federata e Futbollit e Zvicrës. “Kampanjat me Përfaqësuesen janë të rezervuara ekskluzivisht me partnerët tanë të sponsorizimit”.
Shtatori i hershëm 2021: Xhaka del pozitiv
Granit Xhaka doli pozitiv në testin për koronavirus më 1 shtator, gjatë kampit stërvitor të Zvicrës në Bazel. Kishte simptoma të lehta, por duhej të karantinohej. Xhaka mungoi në miqësoren ndaj Greqisë dhe në kualifikimet për Botëror.
Përpjekje për vaksinim të detyrueshëm në Premier League
Premier League planifikoi vaksinim të detyrueshëm më 1 tetor, 2021. Megjithatë, kishte shumë skepticizëm në mesin e lojtarëve, pse ky plan nuk po zbatohet në vazhdueshmëri.
Janar 2022: Xhaka sërish pozitiv me koronavirus
Duhej të luante për Arsenalin në Kupën FA kundër Nottingham Forestit, por Granit Xhaka u desh të qëndronte sërish jashtë fushës më 9 janar. Ai doli pozitiv me COVID-19 për herën e dytë.
Sipas dokumenteve, Xhaka mund të vaksinohet
Dy javë pas doli pozitiv, Granit Xhaka u vaksinua më 25 janar. Të paktën kështu tregon dokumenti i mjekut. Në mars, Xhaka kishte deklaruar për “20 Minuten” në një intervistë: Po, jam vaksinuar dhe nuk keni çfarë të shkruani më”. Xhaka u vaksinua për herën e dytë më 11 nëntor, 2022.
Policia bastis zyrën e mjekut
Një vit më pas, një bastisje ndodhi në zyrën e mjekut, i cili ishte përkujdesur për vaksinimin e Granit Xhakës kundër COVID-19. Pati disa raportime të disa pacientëve që dyshohej se kanë marrë certifikata të falsifikuara të vaksinimit.
Tani, afro tre vjet më vonë, një tjetër kaptinë e pandemisë së koronavirusit është përfshirë në tregimin e kapitenit të përfaqësueses zvicerane. Siç raporton “Blick”, 33-vjeçari është nën hetime. Xhaka mund të merret në pyetje në fillim të tetorit.
Mediumi “Bluewin” ka shkruar se nëse Xhaka del fajtor për këtë rast, do të marrë vetëm dënim me gjobë.