Valmir Matoshi e ka regjistruar asistimin e parë me fanellën e Sturm Grazit.
Matoshi asistoi në fitoren 4:1 të Sturm Grazit ndaj skuadrës Voitsberg.
Ndeshja ishte e vlefshme për 1/16 e finales të Kupës së Austrisë.
Me këtë fitore, Sturm Grazi, ka avancuar tutje në kupë.
23-vjeçari Matoshi asistoi te goli për 4:1 të cilin e realizoi Otar Kiteishvili në minutën e 87-të.
Matoshi në lojë u inkuadrua në minutën e 73-të.
Mesfushori me tipare sulmuese iu bashkua Sturm Grazit muajin e kaluar nga Thuni për 700 mijë euro.