Federata e Futbollit e Belgjikës ka bërë të ditur se nuk do ta mbështesë rizgjedhjen e Gianni Infantinos në krye të FIFA-s, nëse nuk merr një përgjigje të qartë lidhur me rastin e sulmuesit të SHBA-së, Folarin Balogun.
Federata belge ka kërkuar sqarime lidhur me procesin disiplinor ndaj Balogunit, pasi FIFA ia pezullojë dënimin duke i mundësuar sulmuesit amerikan të luajë kundër Belgjikës në ndeshjen e 1/8 së finales së Kupës së Botës.
Vendimi erdhi pasi presidenti i SHBA-së, Donald Trump, i kërkoi personalisht Gianni Infantinos që ta shikonte çështjen.
Infantino ka mohuar se ka pasur ndikim në vendimin për pezullimin e dënimit, duke insistuar se çështja ishte trajtuar nga organet përkatëse disiplinore të FIFA-s.
Federata belge kërkon nga FIFA shpjegime të qarta për bazën e vendimit dhe mënyrën se si do të trajtohen raste të ngjashme në të ardhmen.
Federata belge ka kërkuar që kjo çështje të diskutohet në mbledhjen e Këshillit të FIFA-s më 15 tetor.
Përveç rastit Balogun, federata belge ka shprehur shqetësime edhe për çështje të tjera të qeverisjes dhe transparencës së FIFA-s.