Barcelona ka pasur plan të qartë për ta mbajtur në skuadër sulmuesin e talentuar, Hamza Abdelkarimin.
Dhe arsyeja pse ai nuk ka pasur minutazhë të madhe te skuadra e madhe spanjolle është e pabesueshme.
Abdelkarimi ishte njëri prej yjeve të Barcelonës para sezonit, duke i shënuar katër nga dhjetë golat e skuadrës në ndeshjet parasezonale.
Paraqitjet e suksesshme kanë bërë që Abdelkarimi të synohet nga klubet e mëdha evropiane. Zyrtarë të Barcelonës, përfshirë trajnerin Hansi Flick dhe drejtorin sportiv Deco, kanë bërë çdo gjë për ta mbajtur 18-vjeçarin në skuadër, shkruan mediumi “Sport”.
Abdelkarimi ka klauzolë lirimi prej vetëm 15 milionë eurove dhe nuk është inkuadruar shumë në lojë për ta mbajtur “të fshehur” nga klubet e mëdha, sidomos ato angleze.
Tani plani është që klauzola e lirimit të Abdelkarimit të bëhet 150 milionë euro me kontratën e re.
Sulmuesi nga Egjipti i ka zhvilluar vetëm katër minuta në La Liga këtë edicion.