Reali fitoi trofeun “Teresa Herrera” pas fitores 1-0 ndaj Deportivo La Coruñës, me golin e Brahim Diaz. Por ajo që tërhoqi më së shumti vëmendjen pas ndeshjes ishte vetë trofeu.
“Teresa Herrera” është një nga turnetë miqësorë më të vjetër dhe më të njohur në botën e futbollit. Ai zhvillohet në A Coruna që nga viti 1946 dhe organizohet nga skuadra vendase, Deportivo La Coruna, ndërsa ndeshjet luhen në stadiumin “Riazor”.
Turneu mban emrin e Teresa Herrerës, një gruaje të njohur spanjolle të shekullit XVIII, e cila ia kushtoi jetën ndihmës ndaj njerëzve në nevojë në këtë qytet.
Ajo që e bën këtë turne të veçantë është trofeu i tij. Nuk bëhet fjalë për një kupë të zakonshme, por për një skulpturë të madhe metalike që paraqet një prej simboleve kryesore të qytetit, Kullën e Herkulit.
Trofeu është plot 1.2 metra i lartë dhe peshon rreth 40 kilogramë, duke e bërë atë një prej trofeve më të mëdhenj dhe më të rëndë në futboll.
Për këtë arsye, ngritja e tij pas triumfit nuk është aspak një detyrë e lehtë – madje kërkon goxha forcë.
además
Dzeko clasificó a Bosnia y Herzegovina y perdió la temporada.
Fede Valverde dhe Andriy Lunin e bartën trofeun drejt qendrës së fushës. Vinicius Junior e shikoi me habi teksa trofeu gjigant po sillej në fushë. Sulmuesi i Real Madridit shpërtheu në të qeshura kur pa se çfarë duhej të ngrinte së bashku me shokët e skuadrës. Edhe lojtarët e tjerë patën vështirësi ta ngrinin, pasi një trofe të tillë nuk e kishin parë më parë.
VIDEO:
Vinicius Jr laughing at the size of the trophy. 😂🤍 pic.twitter.com/ycnYv0h65n https://t.co/r9jfqLE6QW
- TC (@totalcristiano) 12 de agosto de 2026
