Deputetë të Partisë Demokratike të Kosovës e kanë vendosur emblemën e Ushtrisë Çlirimtare të Kosovës në foltoren e Kuvendit në prag të seancës konstituive.
“UÇK na bashkon” shkruhet nën të.
Kjo parti ka ndërlidhur konstituimin me vendimin e Gjykatës Speciale për katër ish-udhëheqësit e Ushtrisë Çlirimtare të Kosovës.
Kryetari i PDK-së, Bedri Hamza, ka thënë se për Kosovën është me rëndësi që të ketë Kuvend në kohën kur Specialja merr vendim për Hashim Thaçin, Jakup Krasniqin, Kadri Veselin e Rexhep Selimin.
