El PDK advierte de movilizaciones fuera del Parlamento. Çitaku: Exigiremos una sesión en 48 horas.

Deputetja e Partisë Demokratike të Kosovës, Vlora Çitaku, ka paralajmëruar se do të bëjnë kërkesë sërish për mbajtjen e seancës konstituive pas 48 orësh.

Ajo ka thënë se aktivitetin politik nuk do ta kufizojnë më vetëm brenda ndërtesës së Kuvendit. Ka shtuar se veprimet e tyre do të zhvendosen edhe jashtë tij në forma më të gjera të mobilizimit politik, demokratik dhe qytetar. 

Çitaku ka thënë se deputeti më i vjetër i Kuvendit i cili është kryesues i seancave, Avni Dehari po refuzon të veprojë në përputhje me Kushtetutën dhe rregulloren e Kuvendit dhe po i nënshtrohet vullnetit të partisë së tij.

“Kuvendi nuk u konstituua brenda afatit 30-ditor të përcaktuar nga Gjykata Kushtetuese, më pas u shpërfill detyrimi procedural për vazhdimin e seancës konstituive çdo 48 orë, dhe pas kërkesës sonë, u refuzua thirrja e seancës”, ka deklaruar ajo.

Ajo ka thënë se Kushtetuta zbatohet vetëm kur i përshtatet një partie. 

Sipas saj kur vullneti i një partie politike vendoset mbi Kushtetutën, rregullat dhe institucionet, atëherë ka shtuar se ka suspendim praktik të rendit kushtetues dhe demokracisë. Ka thënë se Kuvendi është efektivisht i mbyllur dhe deputetëve po u pamundësohet ushtrimi i mandatit të tyre.

además Arberi 15 de septiembre de 2025 El misterio de las manifestaciones de 1981: Por qué los organizadores no son los organizadores

“Këto mandate na ka dhënë qytetari dhe jo VV-ja. Përmes bllokimi të konstituimit të Kuvendit, Kurti po na e pamundëson ushtrimin e mandatit që na kanë dhënë qytetarët. Sot kemi një thirrje për Albin Kurtin, ta kthejmë vendin në binarë kushtetues, ta konstituojmë Kuvendin, ta lëmë republikën të funksionojë. Ne sërish do të bëjmë kërkesë për seancë pas 48 orës. Aktiviteti ynë  nuk do të kufizohet më vetëm brenda këtij institucioni. Ai do të zhvendoset edhe jashtë Kuvendit në forma më të gjera të mobilizimit politik, demokratik dhe qytetarë. Kosova nuk ka nevojë për tensione të reja”, ka thënë ajo.

Gjithashtu ajo tha se pjesëtarët e sigurisë së mbrojtjes së afërt cënuan integritetin fizik të deputetëve të PDK-së.

“Ata cënuan edhe integritetin fizik të disave prej deputetëve të Partisë Demokratike të Kosovës. Edhe për këtë çështje, ne do të ndërmarrim masa në Inspektoratin Policor të Republikës së Kosovës. Por e ritheksoj, nuk jemi këtu as për show, ky nuk ka qenë aksion politik, ne i jemi përgjigjur detyrës tonë kushtetuese dhe ligjore për ta konstituar Kuvendin e Republikës”, ka thënë ai.