Korrespodenti i KOHËS, Augustin Palokaj, ka thënë se protestat në Shqipëri nuk mund të krahasohen me ato që po ndodhin në disa shtete në Evropë.
Ai ka theksuar se protestat në Evropë i sheh “më të strukturuara dhe me kërkesa më të qarta sociale”, e ato në Shqipëri sipas tij janë politike.
“Nuk do t’i krahasoja protestat në Shqipëri me ato në Francë, Itali, Belgjikë, ndonëse në pamje duken të ngjashme. Po e shoh se shumë pjesëtarët të PS-së mbrohen në Shqipëri duke u krahasuar me Italinë dhe Francën, por fatkeqësisht mijëra shqiptarë vazhdojnë të largohen drejt Italisë dhe Francës e nuk është e kundërta. Që do të thotë se ka probleme serioze atje, por nuk mund të krahasohet Shqipëria me ato. I shoh protestat në Evropë më të strukturuara, me kërkesa më të qarta sociale”, ka thënë ai në Konfront.
Palokaj është shprehur se nuk beson në ndërrimin e pushtetit me protestat aktuale.
