KEK detiene la unidad A4 tras irregularidades técnicas.

Korporata Energjetike e Kosovës ka njoftuar se Njësia A4 është ndalur në mënyrë të kontrolluar pas evidentimit të disa parregullsive teknike.

Sipas njoftimit të KEK-ut, ndalja është bërë në orën 00:00, si masë parandaluese dhe në përputhje me kërkesat e sigurisë teknike.

Qëllimi i ndaljes, sipas KEK-ut, është krijimi i kushteve të nevojshme për kontrollin e pajisjeve dhe kryerjen e ndërhyrjeve përkatëse.

“Ekipet profesionale janë angazhuar menjëherë në vlerësimin e gjendjes teknike, identifikimin e shkakut dhe ndërmarrjen e veprimeve të nevojshme për eliminimin e problemit”, thuhet në njoftim.

KEK-u ka bërë të ditur se Njësia A4 do të rikthehet në operim pas përfundimit të kontrolleve dhe ndërhyrjeve teknike, si dhe pasi të konfirmohen kushtet e sigurta për funksionim.

Korporata ka njoftuar se për zhvillimet e mëtejshme dhe kohën e rikthimit të njësisë në operim do të informojë publikun me kohë.