Avokati i Fadil Fazliut, David Young, tha se Prokuroria duhet të vërtetojë se veprimet e klientit të tij dhe të akuzuarve të tjerë kanë qenë më shumë se vetëm akte përgatitore.
Sipas Young, vetëm pse Fazliu ka marrë pjesë në dy takime me dëshmitarin Rrustem Mustafa (Remi) nuk mjafton për të ngre akuzua të tentimit të pengimit të drejtësisë.
Young tha se Prokuroria nuk e ka thirrur as Rrustem Mustafën që të dëshmojë se çfarë ka ndodhur në këtë takim. Po ashtu, sipas tij, nuk është thirrur as personeli i kafenesë ku ka ndodhur takimi si dhe nuk është thirrur as ndonjë klient që ka qenë aty i pranishëm.
“Pra, ne nuk e dimë se cila ka qenë përmbajtja e takimeve”, tha Young.
Rrjedhimisht, si me 11 shtator 2026 gjatë deklaratave përmbyllëse, edhe sot, Young kërkoi lirimin e Fadil Fazliut.
“Ne, parashtrojmë se veprimet që mund të vërtetohen janë tërësisht të pamjaftueshme për të vërtetuar provat për dy akuzat që janë ngritur kundër z.Fazliu. për këto arsye, ne parashtrojmë se verdikti i saktë, i duhur janë vendimet e pafajësisë së z.Fazliu për të dy akuzat”, tha Young.
