Volejbollistët e Kosovës kanë pësuar tjetër humbje 3:0 në sete në Lojërat Mesdhetare “Taranto 2026”.
Kosova të shtunën në ndeshjen e dytë të Grupit B pësoi edhe nga Spanja. Në duelin e parë me të njëjtin rezultat humbi edhe nga Greqia.
Spanjollët të shtunën në “Satte Sports Hall” ishin më të mirë nga fillimi dhe nuk lejuan befasi.
Setin e parë e fituan 25:15, ndërsa në setin e dytë, Kosova mblodhi 19 pikë.
Edhe në setin e tretë Kosova nuk arriti të bëj më shumë. Setin e fundit e mbylli me 14 pikë.
Kosova ndeshjen e parafundit në Grupin B e luan ndaj Egjiptit. Në këtë grup është edhe Turqia. Ndaj Turqisë luan të martën.
Nga Lojërat Mesdhetare “Taranto 2026”, të shtunën janë eliminuar dy përfaqësueset e Kosovës në sportin e padelit.
also
LM, convincing victory of volleyball players against Algeria
U arrit një fitore, ndërsa u pësuan dy humbje. Kosova e përbërë nga Lavdrim Krasniqi dhe Leotrim Krasniqi, e fitoi ndeshjen e parë ndaj Turqisë 2:0 në sete, 7:6 dhe 6:3. Te meshkujt më pas në ndeshjen ndaj Shqipërisë në raundin e dytë, Osman Reçica dhe Lorik Rexhepi, u mposhtën nga Shqipëria 2:0 në sete, 6:4 dhe 6:4.
Në raundin e dytë humbje pësoi edhe përfaqësuesja e padelisteve. Albiona Gashi dhe Viola Peja u mposhtën nga Egjipti 2:0, 6:0 dhe 6:0.
