While renovating a house, workers suddenly discover gold worth 9 million euros

Punëtorët që po rinovonin një shtëpi në Belgjikë kanë bërë një zbulim të pazakontë, pasi në muret e bodrumit gjetën të fshehur një sasi ari me vlerë rreth 9 milionë euro.

Sipas mediave lokale, punëtorët zbuluan shufra dhe monedha ari teksa po hapnin themelet e objektit për vendosjen e tubacioneve të reja të kanalizimit në një pronë në Flandersin Lindor.

Në mesin e punëtorëve ishte edhe një 18-vjeçar që po punonte gjatë pushimeve verore. Ai ka treguar se fillimisht nuk e kishte kuptuar se çfarë kishin gjetur.

“Reagimi ynë i parë ishte mosbesimi dhe habia. Në fillim mendova se ishin monedha prej një euroje. Por më pas pamë edhe një copë ari. Atëherë kuptuam se bëhej fjalë për diçka shumë më të madhe”, ka thënë i riu për transmetuesin publik belg VRT.

Zbulimi ka nxitur tashmë interesim edhe për atë se kush do ta marrë thesarin, pasi si punëtorët që e gjetën, ashtu edhe organizata bamirëse që e zotëron pronën, mund të kenë pretendime mbi të.

Policia ka nisur hetimet dhe ka paralajmëruar qytetarët që të mos shkojnë në objekt për të kërkuar ar të tjera. Sipas autoriteteve, shtëpia është kontrolluar tërësisht dhe i gjithë ari i gjetur është zhvendosur në një vend të sigurt.