Kur zogjtë cicërojnë, njerëzit ndihen më të qetë. Megjithatë, disa tinguj që lëshojnë zogjtë duket se u pëlqejnë veçanërisht veshëve të njeriut – dhe shkencëtarët kanë filluar të kuptojnë pse.
Gjatë pjesës më të madhe të historisë sonë evolucionare, tingujt e zogjve mund të kenë qenë sinjal sigurues se mjedisi përreth nuk kishte rreziqe.
Tani një studim i ri ka zbuluar se disa cilësi akustike mund të ndihmojnë të shpjegojnë pse njerëzit i gjejnë më qetësuese disa këngë zogjsh se të tjerë. Njerëzit priren të preferojnë tinguj më të butë zogjsh, me një gamë më të ngushtë frekuencash, ndërsa i vlerësojnë si më të këndshme zërat më kompleks, sipas studiuesve të Universitetit Tubingen në Gjermani.
E preferenca nuk duket se varet nga ajo nëse dëgjuesit dinë ndonjë gjë për zogjtë, shkruan CNN.
Ekipi i studiuesve u kërkoi 84 personave të dëgjonin incizimet e 123 specieve të zogjve të egër dhe të vlerësonin sa të këndshme e gjenin secilin zë. Ylli i kësaj ankete doli të ishte mëllenja, që zakonisht shihet në kopshte apo parqe. “Turdus merula” është e zakonshme në Evropë, me një zë të pasur, të butë dhe tingull që ngjan me flautin.
Nga ana tjetër, në fund të anketës si zë më i pakëndshëm doli kukuvajka.
Studiuesit kanë thënë se gjetjet nga cicërimat e zogjve mund t’i ndihmojnë planifikuesit urbanë dhe projektuesit e parqeve të ndihmojnë ndryshme për vendet e zhurmshme. Në vend se të fokusohen në reduktimin e zhurmës, zyrtarët mund t’i kushtojnë vëmendje llojeve të tingujve që dëgjojnë njerëzit, përfshirë ato të zogjve.