Viti i Ri në Bali festohet në heshtje. Askush nuk lejohet të dalë jashtë për 24 orë të plota dhe zhurma duhet të mbahet në minimum.
Bali ka një sipërfaqe prej 5,780 kilometra katrorë, të mbushur me plazhe, tempuj dhe një kulturë të pasur për t’u eksploruar dhe shijuar.
Më poshtë gjeni disa fakte interesante për Balin:
Viti i Ri i Balit festohet në heshtje.
Bali ka festën e vet të Vitit të Ri.
also
Chinese robot breaks Usain Bolt's record
Ata përdorin kalendarin Saka dhe e quajnë këtë ditë Nyepi. Ajo festohet në muajin mars, por data ndryshon çdo vit. Heshtja zgjat 24 orë dhe i gjithë ishulli praktikisht mbyllet. Askush nuk lejohet të dalë jashtë, përfshirë turistët, dhe të gjitha zhurmat duhet të mbahen në minimum, shkruan TheFactSite.
Heshtja synon të krijojë hapësirë për vetëreflektim mbi veten dhe veprimet e vitit të kaluar. Përveç kësaj, gjatë Nyepit, balinezët agjërojnë dhe meditojnë për t’u lidhur më thellë me Zotin.
Një nga Starbucks më të mëdhenj në botë ndodhet në Bali
Kafeneja gjigante e Starbucks në Bali, Deëata Coffee Sanctuary, ka një sipërfaqe prej 20,000 këmbësh katrorë dhe u hap më 12 janar 2019. Ajo ka një pamje moderne të kombinuar me elemente të arkitekturës tradicionale balineze.
Akoma më interesante është se pranë saj ndodhet një plantacion i vërtetë kafeje.
Çdo fshat në Bali ka një tempull
Siç u përmend më herët, në Bali ka shumë tempuj. Për këtë arsye, ishulli quhet “ishulli i një mijë tempujve” dhe “ishulli i perëndive”. Vlerësohet se në të gjithë ishullin ka më shumë se 10,000 tempuj.
Për të treguar respekt, njerëzit që hyjnë në këta tempuj duhet të veshin një sarong, ndërsa burrat dhe gratë duhet të mbulojnë shpatullat dhe shpinën.
Tempulli Lempuyang në Bali nuk ka në të vërtetë një liqen
Me siguri keni parë një fotografi të Tempullit Lempuyang, një nga tempujt më të vjetër të Balit, i cili shpesh quhet “Portat e Parajsës”.
Ai është bërë shumë i famshëm kryesisht për shkak të fotografive me reflektim që turistët kanë postuar në rrjetet sociale si Instagram.
Por mos u mashtroni!
Reflektimi që shumica e njerëzve mendojnë se vjen nga një liqen përpara tempullit, në të vërtetë krijohet nga një pasqyrë e mbajtur poshtë kamerës nga një vendas, kundrejt një donacioni.
Mijëra njerëz shkojnë te burimet e tempullit Tampaksiring për të larë mëkatet
also
The oldest person in the world turns 117 today
Tempulli i burimit të shenjtë në Bali quhet Tirta Empul dhe ndodhet pranë qytetit Tampaksiring. Burimi i tij i famshëm ndodhet në oborrin qendror të tempullit, i njohur si Jaba Tengah, dhe përbëhet nga dy pishina me 30 burime uji.
Uji i tempullit konsiderohet i bekuar, prandaj shumë njerëz shkojnë atje për t’u pastruar shpirtërisht nga mëkatet.
Në Bali mund të gjeni plazhe me rërë të zezë
Këto plazhe mahnitëse gjenden në brigjet veriore dhe lindore të Balit, ku ndodhen edhe vullkanet e ishullit.
Vullkanet e Balit luajnë një rol të rëndësishëm në krijimin e këtyre plazheve me rërë të zezë, pasi rëra e zezë formohet nga materialet vullkanike të gërryera.
Një qytet në Bali është shtëpia e më shumë se 1,200 majmunëve.
Majmunët jetojnë në një pyll të veçantë të quajtur Mandala Suci Ëenara Ëana, i cili ndodhet në Padangtegal, Ubud, në pjesën jugore-qendrore të Balit.
Në këtë pyll do të gjeni më shumë se 1,200 makakë balinezë me bisht të gjatë.
Përveç tyre, aty mund të zbuloni edhe tre tempuj mahnitës.
Feja kryesore në Bali është hinduizmi
87% e indonezianëve deklarohen myslimanë, kjo nuk vlen për Balin, pasi feja kryesore atje është hinduizmi. Hinduizmi u prezantua në Indonezi nga tregtarë, studiues dhe priftërinj indianë gjatë shekullit I.
Ndërsa pjesa më e madhe e Indonezisë u konvertua përfundimisht në Islam rreth shekullit XV, Bali mbeti i vetmi ishull me shumicë hindu.
Pra, tani e dini.
also
"Sava Titanic" - the historic ship surfaces
Bali është një destinacion i mrekullueshëm për t’u shtuar në listën tuaj të udhëtimeve, qoftë nëse dëshironi të shkëputeni pak nga jeta e përditshme, qoftë nëse kërkoni përvoja të reja.
Plazhet dhe tempujt e Balit të japin një ndjenjë qetësie, ndërsa traditat dhe festivalet e tij unike sigurojnë që të largohesh prej andej me shumë njohuri dhe kujtime.
