Disa të dyshuar janë arrestuar të martën pasi Policia i ka kapur me marihuanë. Policët nga Sektori Qendror për Hetimin e Narkotikëve kishte lokalizuar dhe vënë nën vëzhgim dy automjete që dyshohej se po transportonin substanca narkotike nga Prishtina në drejtim të Mitrovicës.
Gjatë tentativës për ndalim, të dyshuarit nuk u janë bindur urdhrave zyrtar, me ç’rast kanë goditur zyrtarët policorë në uniformë, ku me qëllim të neutralizimit të rrezikut zyrtarët policorë kanë përdorur armën zyrtare.
Automjetet e dyshuara janë ndaluar dhe gjatë kontrollit në njërën nga to është gjetur dhe sekuestruar rreth 3 kg substancë e dyshuar narkotike e llojit marihuanë.
Policia njoftoi se janë realizuar edhe tri bastisje në lokacione të ndryshme, ku në cilësi të provave relevante për rastin po ashtu janë sekuestruar 0.7 gram substancë e dyshuar narkotike po ashtu e llojit marihuanë, dy automjete dhe dy telefona celularë.
Personat e dyshuar pas arrestimit dhe nënshtrimit ndaj procedurave të tjera ligjore janë dërguar në mbajtje për 48 orë.
-
Anti-drug operation leads to the arrest of 4 people, one for cybercrimes
-
Police operation - suspected drug trafficking, organized crime and money laundering
-
Serbian citizen detained in Brnjak, attempted to bribe police officers
-
Placing flags on the fences of an Orthodox church in Lipjan, two people are escorted by the police
-
Five people arrested after a fight in Ferizaj