Një zjarrfikës ka pësuar lëndime gjatë intervenimit në objektin që u kaplua nga zjarri të premten në rrugën Fushë-Kosovë – Prishtinë.
Nuk është raportuar për të lënduar të tjerë, ndërsa Policia ka vlerësuar se dëmet në objekt janë shumë të mëdha.
“Është raportuar se në një objekt i cili gjendet në magjistrale Prishtinë-Fushë Kosovë, ka ndodhë një zjarr me përmasa të mëdha. Në vendin e ngjarjes kanë dalë të gjitha njësitë përkatëse. Zjarri është arritur të lokalizohet, ndërsa dëmet janë shumë të mëdha. Një zyrtar zjarrfikës ka pësuar lëndime në dorë gjatë intervenimit”, thuhet në raportin e PK-së.