Trajneri serb i Baselit, Slavisha Jokanoviq, ka folur sërish për rolin e kapitenit Xherdan Shaqiri në skuadrën zvicerane. Ai ka theksuar se Shaqiri është lojtari më i mirë që ka Baseli.
“Shaqiri është lojtari me cilësinë më të lartë në ekipin tim”, tha Jokanoviq për “Basler Zeitung”.
Baseli të shtunën shënoi fitore 3:0 ndaj Stade Nyonnais për Kupë të Zvicrës, ndërsa Shaqiri u inkuadrua në minutën e 81-të.
35-vjeçari këtë edicion ka tri gola e një asistim.