Përzgjedhësi i Gjermanisë në futboll, Jurgen Klopp, do ta publikojë të enjten nga ora 10:00 listën e lojtarëve për ndeshjet e Ligës së Kombeve.
“Sky” ka shkruar të martën se në listën e Kloppit do të ketë disa emra të rinj.
Në mesin e tyre, “Sky” ka bërë të ditur se do të jetë edhe futbollisti shqiptar, Brajan Gruda.
“Karim Adeyemi dhe Kevin Schade po kthehen në ekipin kombëtar. Adeyemi dhe Schade kanë pasur start të mirë me Barcelonën, përkatësisht Brentfordin, dhe po shpërblehen për golat e shënuar. Ylli i Kolnit, Said El Mala dhe Brajan Gruda, të cilët nuk u zgjodhën për Kupën e Botës nga ish-trajneri Julian Nagelsmann, do të jenë gjithashtu pjesë e skuadrës”, shkruan “Sky”.
Gjermania luan kundër Holandës, dy ndeshje ndaj Greqisë dhe ndaj Serbisë.
Gruda 22-vjeçar u huazua te Leipzigu nga Brightoni.