Trajneri i Manchester Cityt, Enzo Maresca, vlerësoi ndikimin e lojtarëve të krahut, pasi Antoine Semenyo dha asistime për Omar Marmoush në fitoren 3:1 ndaj Atletico Madridit.
Ndeshja e së dielës ishte përgatitore në prag të edicionit të ri. Me këtë ndeshje City e përfundoi turneun parasezonal në Azi.
Marmoush, që luajti në qendër të sulmit, shënoi dy herë brenda tre minutash në fillim të pjesës së dytë, përpara se Rayan Ait-Nouri të shtonte golin e tretë në kohën shtesë. Manchester City e përmbysi disavantazhin e pjesës së parë në ndeshjen e luajtur para më shumë se 50 mijë shikuesve në stadiumin e Kupës së Botës në Seul.
“Në përgjithësi ishte një test shumë i mirë kundër një prej ekipeve më të mira në Evropë”, ka thënë Maresca, që e zëvendësoi Pep Guardiolan në postin e trajnerit të Cityt.
“Merita u takon lojtarëve për përpjekjen që kanë bërë. Nga nesër faza parasezonale përfundon dhe fillon puna e vërtetë”.
also
City makes no mistake, wins against Wolverhampton
City dominoi sa i takon posedimit të topit dhe krijoi raste më të mira. Por mbeti prapa në rezultat kur Jorge Dominguez shënoi nga afërsia pak para fundit të pjesës së parë.
Por në pjesën e dytë Semenyo dhe Marmoush bashkëpunuan në dy situata për të shënuar gola.
Semenyo i ka katër asistime në tri ndeshje në turneun aziatik. Ai mbuloi krahun e majtë të sulmit. Savinho bëri po ashtu paraqitje të mirë në krahun tjetër.
Maresca tha se skuadra ende ka nevojë për efikasitet më të mirë para portës.
“Duhet të jemi klinikë. Është diçka që duhet ta përmirësojmë. Ngadalë po arrijmë atje dhe me Erling Haalandin mund të jemi edhe më të rrezikshëm. Omar shënoi dy herë. Kjo është një shtytje e rëndësishme”, ka thënë Maresca.
Ai është i gëzuar për përparimin që e ka bërë skuadra gjatë tri miqësoreve të deritashme.
also
City spends $500 million a year, but its shortcomings are becoming apparent
Manchester City luan me Arsenalin më 16 gusht në ndeshjen për Superkupë të Anglisë, përkatësisht në ndeshjen e njohur si “Community Shield”.
Do të jetë rast për teknikun italian që të fitojë trofeun e parë me skuadrën që ka shkëlqyer nën drejtimin e Pep Guardiolas.
