Fillimi i ngadalshëm e ka lënë pak prapa PSG-në në tabelën e kampionatit të Francës.
Pas xhiros së pestë, Paris Saint-Germaini i ka tetë pikë në pozitën e gjashtë. Bilanc jo në përputhje me formën që skuadra e Luis Enriques ka shfaqur në vitet e fundit.
Por parisienët gradualisht po kthehen në kreun e tabelës, ku vlerësohet se edhe e kanë vendin. Hapin tjetër drejt kreut e presin të shtunën. PSG-ja nga ora 20:45 e pret Le Mansin.
Le Mansi është në mesin e tabelës me gjashtë pikë. Nëse ia del të marrë pikë në Paris, do të ishte sukses i madh për këtë skuadër.
Po të shtunën nga ora 20:45, Monaco e pret Toulousen. Monaco është pa humbje, ndërsa i ka 13 pikë.
Pa humbje është edhe Paris FC, që ka 11 pikë pas tri fitoreve e dy barazimeve. Paris FC është mysafir i Lorientit, në një tjetër ndeshje të së shtunës mbrëma.