Mesfushorët Erblin Osmani dhe Yll Gashi kanë luajtur nga fillimi në humbjen e Bayernit U19 në “UEFA Youth League”.
Bayerni U19 humbi 2:0 nga Vikingu U19 të hënën, në kuadër të xhiros së dytë të fazës së ligës në “Championsin” e të rinjve.
Osmani luajti deri në minutën e 87-të, ndërsa Gashi u zëvendësua në minutën e 70-të.
Osmani ka debutuar për Kosovën në ndeshjen kundër Irlandës në Ligën e Kombeve, muajin e kaluar. Kosova e fitoi 1:0 ndeshjen ndaj irlandezëve, ndërsa Osmani luajti tre minuta.