Tek Arsenali dhe Manchester City janë shfaqur të matur para ndeshjes së Superkupës së Anglisë, që i paraprin nisjes së elitës angleze të futbollit.
Dueli për trofeun e “Community Shield”, mes kampionit të Anglisë, Arsenalit, dhe fituesit të Kupës FA, Manchester Cityt, luhet të dielën nga ora 16:00 në stadiumin “Principality” të Cardiffit.
Te Manchester City në ndeshje zyrtare do të debutojë Enzo Maresca, që e zëvendësoi Pep Guardiolan në këtë post.
Arsenali priti për titull kampioni 22 vjet në elitën angleze dhe synon që ta nis sezonin e ri me tjetër trofe.
“Lojtarët duken në gjendje shumë të mirë. Lojtarët e dinë kualitetin që kanë. E dimë se çfarë po ndërtojmë dhe atmosfera është e mirë. Versioni më i mirë i joni duhet të jetë të dielën dhe ky është synimi. Duhet të paraqitemi në mënyrën më të mirë për ta nisur sezonin në atë mënyrë, duke fituar trofe”, ka deklaruar Arteta në konferencën për shtyp para ndeshjes.
also
Many derbies in the Premier League
Trajneri Mikel Arteta ka thënë se Marescan e pret punë e vështirë pas Guardiolas, i cili i fitoi 20 trofe madhor gjatë periudhës 10-vjeçare në krye të Cityt.
City e fitoi Kupën FA dhe Kupën e Ligës me Guardiolan në sezonin e fundit, por përfundoi prapa Arsenalit në Premier League.
“Për mua personalisht është trofe. Kur trofetë dhe finalja janë aty, gjithmonë mundohesh të fitosh, kështu që nuk është ndeshje miqësore. Luhet për trofe dhe do të mundohemi ta japim më të mirën. Arsenali ka ekip fantastik dhe ka treguar se sa i fortë është. Por, ne jemi City dhe do të mundohemi të garojmë deri në fund”, theksoi Maresca.
Tek Arsenali ka dyshime në fazën e mbrojtjes.
William Saliba është i lënduar në shpinë, ndërsa Jurrien Timber është duke u shëruar nga një lëndim muskulor.
also
Arsenal aim for next move towards title, derby on Sunday
Cristhian Mosquera pritet të jetë në qendër të mbrojtjes me Gabrielin, ndërsa Ben White e Riccardo Calafiori mund të luajnë në krah.
Por, ka edhe lajme të mira për Arsenalin.
Bukayo Saka, Declan Rice dhe David Raya, janë kthyer në stërvitje pas angazhimit në Botëror.
Tek Arsenali në ndeshje zyrtare mund të debutojë në mesfushë transferimi i verës, Bruno Guimaraes.
also
Arsenal – Atletico Madrid, Tuesday's derby in the Champions League
Ndërkohë te City, e sigurt është mungesa e Rodrit, fituesit të Botërorit me Spanjën. Rodri e vazhdon shërimin nga lëndimi i shpinës, ndërsa Erling Haalandi dhe Elliot Anderson që u transferua në verë, mund të luajnë si zëvendësues. Dy të fundit ishin shumë të angazhuar në Kupën e Botës po ashtu.
Arsenali i ka 17 trofe të “Community Shield”, krahas 7 të Manchester Cityt.
