-
Translated by: Flutura Gashi-Mehmeti
- August 16, 2026 11:17
- Share to:
Tensionet janë të larta të dielën në kufirin izraelito-libanez, pasi sulmet ajrore izraelite në jug të Libanit vranë të paktën 11 persona të shtunën, në sulmet më vdekjeprurëse që nga hyrja në fuqi e armëpushimit mes Izraelit dhe Hezbollahut më 20 qershor.
Ministria e Shëndetësisë e Libanit dhe agjencia shtetërore e lajmeve kanë thënë se një sulm ajror që ka goditur një banesë në periferi të fshatit Ansar ka vrarë shtatë persona, përfshirë tre fëmijë, dhe ka plagosur dy të tjerë. Sulmi i dytë, në fshatin Deir al-Zahrani, ka vrarë katër persona dhe ka plagosur 17 të tjerë.
Izraeli dhe qeveria libaneze njoftuan më 26 qershor një “marrëveshje kuadër”, e cila përcakton një plan për tërheqjen e forcave izraelite nga jugu i Libanit në këmbim të çarmatimit të grupit militant Hezbollah, të mbështetur nga Irani.
Marrëveshja parashikon hapa drejt një marrëveshjeje përfundimtare paqeje mes dy vendeve, të cilat teknikisht mbeten në gjendje lufte, gati 80 vjet pas krijimit të Izraelit.
Hezbollahu ka refuzuar bisedimet e drejtpërdrejta dhe nuk ka qenë palë në marrëveshje.
Kryeministri libanez, Naëaf Salam, ka kritikuar sulmet ajrore izraelite në jug të Libanit, duke thënë se ato frikësojnë “banorët në shtëpitë e tyre” dhe minojnë përpjekjet për stabilizimin e situatës në jug.
Ushtria izraelite ka thënë në një deklaratë se kishte goditur infrastrukturën e Hezbollahut në zonat e Ali Taherit dhe Ansarit, në përgjigje të një sulmi ndaj ushtarëve izraelitë në atë zonë.
also
Life under the drone in Beirut
Ndërkaq, zyra e kryeministrit izraelit, Benjamin Netanyahu, ka thënë se Hezbollahu kishte shkelur armëpushimin duke sulmuar ushtarë izraelitë brenda Libanit, duke plagosur rëndë tre prej tyre.
Sipas saj, ushtria izraelite është kundërpërgjigjur duke goditur selinë e Hezbollahut nga ku ishte urdhëruar sulmi, por më vonë ka mësuar se Hezbollahu “kishte vendosur qëllimisht civilë” në atë kompleks ushtarak. Ushtria izraelite tha më vonë se ushtarët ishin plagosur nga një dron shpërthyes.
lëshoi raketa përtej kufirit, dy ditë pasi SHBA-ja dhe Izraeli nisën sulmet e tyre ndaj Iranit
Më shumë se 4,000 persona janë vrarë nga sulmet izraelite në Liban që prej atëherë, përfshirë qindra civilë. Në anën izraelite janë vrarë rreth 40 ushtarë dhe tre civilë, përfshirë një kontraktor ushtarak.
