At least 38 dead in Indonesia earthquake

Të paktën 38 persona kanë vdekur pas një tërmeti me magnitudë 7.7 që goditi Indonezinë herët të shtunën, njoftoi Agjencia Kombëtare për Menaxhimin e Fatkeqësive.

Numri i viktimave pritet të rritet, ndërsa ekipet e kërkim-shpëtimit kanë nisur operacionet në zonat e prekura.

Tërmeti ka shkaktuar dëme në ndërtesa, ndërsa situata është përkeqësuar edhe nga dhjetëra lëkundje të tjera që pasuan.

Lëkundja e fuqishme goditi ishullin Flores pak para orës 05:00 të mëngjesit, sipas orës lokale, ndërsa thellësia e saj ishte rreth 15 kilometra, bëri të ditur Agjencia Meteorologjike, Klimatologjike dhe Gjeofizike e Indonezisë.

Në të njëjtën zonë janë regjistruar edhe lëkundje të fuqishme pasuese, përfshirë një tërmet me magnitudë 6.1.