Iran's top diplomat says they forced enemies to seek negotiations

Ministri i Jashtëm i Iranit, Abbas Araghchi, ka deklaruar të martën se Teherani i kishte detyruar armiqtë e tij të “kërkonin negociata”.

“Presidenti i SHBA-së shkroi dy fjalë në fillim të luftës: ‘dorëzim pa kushte’. Kjo ishte ajo që ata kërkonin nga ne. Dhe po ky armik, pas rreth 20 ditësh, po lutej për negociata”, ka thënë Araghchi gjatë një konference për shtyp në Teheran.

Kjo deklaratë vjen pasi presidenti i SHBA-së, Donald Trump, të hënën përqeshi kërkesën e Iranit për dëmshpërblime për shkatërrimet e shkaktuara në vend nga bombardimet amerikane dhe izraelite gjatë pesë muajve të fundit, një kërkesë për të cilën ai tha se negociatorët iranianë nuk e kishin paraqitur deri tani.

Postimi i Trumpit në rrjetet sociale ka ardhur pasi zëdhënësi i ministrisë së Jashtme iraniane, Esmail Baghaei, ka theksuar se Irani nuk do ta rihapë ngushticën e Hormuzit derisa SHBA-ja të plotësojë kushtet e tij.

Teherani zyrtar kërkon që SHBA-ja t’i japë fund bllokadës ndaj porteve iraniane, të heqë sanksionet ekonomike dhe të zhbllokojë asetet e ngrira të Iranit. Ai gjithashtu ka deklaruar se SHBA-ja duhet të paguajë dëmshpërblime për dëmet e shkaktuara nga lufta.

“I takon palës amerikane të ndalojë dhe të korrigjojë veprimet e saj të paligjshme dhe shkatërruese”, ka thënë Baghaei.

Trumpi është përgjigjur se tani po kërkon “dëmshpërblime nga Irani, për të gjithë njerëzit që ata kanë vrarë dhe plagosur rëndë me bombat e tyre të vendosura në anë të rrugëve dhe në konfliktet e shumta”.

also World 4 Tues 2026 Trump treated negotiations like a real estate transaction, says Iranian top diplomat

Qeveria amerikane ka fajësuar militantët e mbështetur nga Irani për vdekjen dhe plagosjen e qindra amerikanëve gjatë disa dekadave. Mes tyre përfshihet edhe një sulm me bombë në vitin 1983, ku u vranë 241 pjesëtarë të ushtrisë amerikane në një kompleks të marinsave në Bejrut, si dhe vdekja e të paktën 603 ushtarëve amerikanë në Irak gjatë periudhës 2003–2011.

Trumpi ka thënë se dëshiron gjithashtu që Teherani të dëmshpërblejë familjet e protestuesve iranianë që u vranë.

Mbyllja e ngushticës së Hormuzit, përmes së cilës kalonte rreth një e pesta e furnizimeve botërore të naftës të tregtuara para luftës, ka bërë që çmimet e energjisë të mbeten një nga çështjet kryesore të politikës amerikane, përpara zgjedhjeve të nëntorit për Kongresin.