Presidenti turk Recep Tayyip Erdogan ka nënshkruar në ligj që do të mundësojë një falje të kushtëzuar për mijëra militantë kurdë, si pjesë e përpjekjeve të qeverisë për paqe me Partinë e Punëtorëve të Kurdistanit (PKK).
Ai do të hyjë në fuqi vetëm pasi Këshilli i Sigurisë Kombëtare i Turqisë të konfirmojë se grupi është shpërbërë plotësisht dhe është çarmatosur, raportoi AP.
Parlamenti e miratoi projektligjin me shumicë dërrmuese javën e kaluar. Ai parashikon pezullimin e disa dënimeve me burg për anëtarët e dënuar të PKK-së, si dhe shtyrjen e hetimeve dhe proceseve gjyqësore ndaj të tjerëve për pesë ose dhjetë vjet, në varësi të krimit. Autoritetet do t’i mbyllin çështjet ndaj këtyre personave nëse ata nuk kryejnë përsëri vepra penale gjatë këtyre periudhave.
Legjislacioni krijon gjithashtu një komision që do të mbikëqyrë çarmatimin e grupit, ndërsa mbledhja e tij e parë pritet të zhvillohet javën e ardhshme.
Vitin e kaluar, PKK-ja - e cila konsiderohet organizatë terroriste nga Turqia dhe aleatët e saj perëndimorë - njoftoi vendimin për t’u shpërbërë, pas një thirrjeje nga lideri i saj i burgosur, Abdullah Ocalan. Ocalan dhe figura të tjera kyçe të PKK-së përjashtohen nga falja.
Menjëherë pas kësaj, disa luftëtarë dorëzuan armët e tyre në një ceremoni simbolike në veri të Irakut, ku grupi ka bazën, ndërsa disa luftëtarë u tërhoqën nga zona të rëndësishme në Turqi drejt Irakut.
also
Trump says no plans for talks with Iran, insists Strait of Hormuz is open
Konflikti me PKK-në ka shkaktuar dhjetëra mijëra viktima që nga vitet 1980.
