-
Translated by: Flutura Gashi-Mehmeti
- August 25, 2026 11:44
- Share to:
Kanadaja do të njoftojë tarifa hakmarrëse kundër Shteteve të Bashkuara të martën.
Kjo vjen pasi marrëdhëniet u përkeqësuan ndjeshëm të hënë pasi presidenti Donald Trump u ka thënë udhëheqësve kanadezë të "bien në linjë" ose të përballen me pasoja "shumë më të këqija" sesa tarifat ekzistuese, ndërkohë që kryeministrin, Mark Carney, ka akuzuar Uashingtonin zyrtar se po përpiqet të nënshtrojë Kanadanë.
Trumpi ka kërcënuar gjithashtu me tarifa të reja prej 50% për automjetet, pjesët e automjeteve dhe çelikun kanadez.
Carney ka thënë të hënën se Kanadaja mund të duhet të heqë dorë nga tarifat e përputhshme të SHBA-së “dollar për dollar” dhe në vend të kësaj të përdorë tarifa më specifike, në mënyrë që të mbrohen punëtorët dhe bizneset kanadeze.
"Një qëndrim në tryezën e negociatave se Kanadaja është një degë e Shteteve të Bashkuara, nuk është diçka që ne do ta pranojmë", ka thënë Carney.
also
Canada becomes first G7 country to recognize state of Palestine
Shprehjet e ashpra nga të dyja palët tregojnë se si marrëdhëniet SHBA-Kanada janë përkeqësuar që kur Carney është tërhequr nga negociatat tregtare me administratën Trump të premten vonë, duke shkaktuar kërcënimin e presidentit për tarifa prej 50% të nesërmen në mallra kanadeze me vlerë rreth 20 miliardë dollarë.
Kanadaja dhe SHBA-ja ndajnë një nga marrëdhëniet më të mëdha tregtare në botë, me zinxhirë furnizimi thellësisht të integruar në të gjithë sektorët e automobilave, energjisë, bujqësisë dhe prodhimit, duke e bërë kështu një luftë të zgjatur tregtare potencialisht të kushtueshme për bizneset dhe punëtorët në të dyja anët e kufirit.
