Partia Demokratike e Kosovës ka kërkuar që Qeveria ta procedojë në Kuvend sa më shpejt ndryshimin e Ligjit për Gjykatën Speciale. Sipas kësaj partie, procedimi i këtij ligji është urgjent.
Deputetja Blerta Deliu-Kodra ka përmendur mbledhjen e fundit të Qeverisë ku kabineti ka proceduar disa projektligje të tjera, teksa është shprehur e pakënaqur që në mesin e tyre s’ka qenë edhe ai për Specialen.
“Qeveria e Kosovës paska sjellë në Kuvend 11 projektligje. Mjafton me e pa listën për me kuptu se cilat çështje i ka vendosë në krye të prioriteteve të veta: energjinë, inovacionin, organizimin e institucioneve të drejtësisë dhe një marrëveshje kredie. Ndërkohë, qytetarët po dalin çdo natë në shesh me një kërkesë të qartë. A po e dëgjon Qeveria zërin e tyre?” ka shkruar ajo në Facebook.
E, deputeti Arben Mustafa ka thënë se Qeveria me vendimet e fundit po mundohet të krijojë “një pamje të normalitetit”.
“Po mundohen të krijojnë një pamje të normalitetit. Por pas 16 shtatorit, Kosova nuk është në gjendje normale. Ndryshimi i ligjit për Gjykatën Speciale nuk është çështje e vullnetit personal apo partiak. Është obligim kombëtar dhe shtetëror! Prandaj, mos kalkuloni. Silleni ligjin në Kuvend dhe procedojeni pa asnjë vonesë!” ka shkruar Mustafa.
Ministrja e Drejtësisë, Donika Gërvalla, të shtunën ka thënë se Ministria e Drejtësisë është duke analizuar projektligjin e propozuar nga Partia Demokratike për çështjet që lidhen me Dhomat e Specializuara.
"Most of the things related to the specialized chambers are matters of high expertise. Great care is needed so that we do not make mistakes. In the Ministry of Justice, there are experts who are also analyzing the draft law proposed by the Democratic Party of Kosovo. When we have it ready, we will send our opinion to the government. We will not delay it, we will send it quickly. But we do not want to rush it either, and pay for it with missing quality and unacceptable mistakes," said Gërvalla.