After the German Development Bank's alarm about 159 uncontrolled substations in the "Termokos" network, citizens are reporting the problems they have experienced during the winter. They said that apartments on the upper floors were not heated enough, while the bill was even higher. Meanwhile, the opposition in Pristina has raised doubts about the way in which the heating network has been expanded.
Lulzim Gashi e ka ndier gjatë dimrit atë që Banka Gjermane për Zhvillim e ka listuar si problem, kur e ka paralajmëruar “Termokosin” se mund t’ia ndërpresë mbështetjen në projektin 80-milionësh për ndërtimin e një impianti të madh solar për ngrohje.
Ky qytetar i Prishtinës thotë se banesa e tij u ngroh pak.
“Në katet ku banojmë ne, në katet më të larta, nuk është nxemja e njëjtë si në katet e ulëta, kurse fatura është e njëjtë, ose edhe më të larta, siç ka ndodhur në muajin shkurt. Diku 40 euro ka qenë vlera më e lartë se zakonisht, rreth 90-ve në bazë të metrave katrorë, 90 euro e kam fjalën”, ka treguar Gashi.
Atë që Gashi e ka përjetuar si ngrohje të pamjaftueshme, Banka Gjermane e ka përshkruar si një prej pasojave të mundshme të problemeve.
Në letrën e saj, kjo bankë ka ngritur shqetësimin për 159 nënstacione të pakontrolluara dhe pjesërisht të paregjistruara. Sipas KfW-së, këto mund të shkaktojnë çekuilibrime në sistem, probleme hidraulike dhe, përfundimisht, furnizim të pamjaftueshëm me ngrohje.
also
KfW warns of ending support for Termokos in 87 million project
Disa banorë thanë se shkaku i ngrohjes së pamjaftueshme, nuk i kanë paguar faturat mujore, ndërsa rastet u janë dërguar për përmbarim.
Ndërkaq, në “Termokos” thanë se ndërhyrja në këto 159 nënstacione nuk ndikon në faturimin e konsumatorëve të regjistruar.
“Çështja është që këto nënstacione 159 nga 800 sa janë në total të rregullohen me intervenime të pjesshme, që të automatizohen sikurse pjesa tjetër e nënstacioneve. Ky rregullim nuk ka ndikim as në faturimin e as në inkasimin e mjeteve për shërbimet e ngrohjes për këto ndërtesa”, është thënë në përgjigjen e Termokosit.
Por 159 nënstacionet nuk janë problemi i vetëm që ka përmendur Banka Gjermane, e cila e mbështet projektin me grantin prej 31.6 milionë eurosh, krahas 21.5 milionë eurove të BE-së, 23.2 milionë euro kredi sovrane nga BERZH-i dhe 4.4 milionë euro investim vetanak.
Sipas KfW-së, një numër i konsiderueshëm i nënstacioneve janë konsumatorë të panjohur dhe të paregjistruar dhe se zgjerimi nuk është bërë me miratimin paraprak të saj.
Në kohën kur kjo çështje po trajtohet mes “Termokosit” dhe KfW-së, opozita në Komunën e Prishtinës ka ngritur edhe dyshime për mënyrën se ku është zgjeruar rrjeti.
“Deri diku kemi pas njohuri përmes ankesave të qytetarëve se rrjeti po shtrihet aty ku ka interesa, grupe të Përparim Ramës e të LDK-së, nëpër lagje të caktuara, e që kjo pastaj u vërtetua sepse edhe Banka Gjermane për Zhvillim në letrën për të cilën po flasim ka përmendur këtë fakt që shtrirja e rrjetit të ngrohjes ka ndodhur pa e njoftuar partnerin kryesor, në këtë rast KfW-në gjermane”, ka thënë Gëzim Sveçla, kryetar i Grupit të Asamblistëve të LVV-së.
also
ERO's alert delays the overhaul of unit B2
two days ago, time e publikoi letrën e KfW-së, në të cilën është paralajmëruar se problemi me nënstacionet dhe probleme të tjera të identifikuara, mund të rrezikojnë edhe mbështetjen për projektin shumëmilionësh, “Solar 4 Kosovo”.
Rezana Bozhlani
