Gazetari Muhamet Hajrullahu ka vlerësuar se partitë politike s’do të duhej ta linin Kosovën pa institucione në periudhën kur në Gjykatën Speciale do të merret vendimi gjyqësor ndaj katër ish-udhëheqësve të Ushtrisë Çlirimtare të Kosovës.
Në “60 Minuta” në KTV, Hajrullahu ka thënë se pa marrë parasysh verdiktit të Speciales, “dikush mund ta shfrytëzojë” momentin për të nxitur destabilizim.
“Mendoj që partitë politike, s’do të duhej ta linin Kosovën në situatë të tillë, pa institucione zyrtare. Kemi qeveri në detyrë, presidente në detyrë. Për faktin që kemi 2-3 vitet e fundit bllokadë totale institucionale, ngërç politik, nuk besoj se është mirë sot që ta lëmë Kosovën në një situatë të tillë...”, ka thënë ai të premten. “Sepse të gjithë ata që nuk ia duan të mirë Kosovës, do të dëshironin që përveç çfarëdo vendimi që merret atje, të ketë këtu probleme, të ketë këtu trazira, të ketë këtu pakënaqësi, nxitje, të gjitha këto. Pra dikush mund ta shfrytëzojë këtë moment në të cilin ne jemi edhe pa institucione zyrtare. Mendoj se partitë politike, të gjitha, por sidomos Lëvizja Vetëvendosje, e cila e ka barrën e përgjegjësisë si partia më e madhe që ka dalë në zgjedhje, për krijimin e institucioneve, që të mos lëmë momente të asaj që dikush të mund të shfrytëzojë në një situatë çfarë do qoftë gjatë ditëve të ardhshme, për një destabilizim të mundshëm”.
Tek i ka kritikuar partitë për mungesë bashkëpunimi e kompromisi, Hajrullahu ka thënë se qytetarët u kanë treguar revoltën me sabotim të zgjedhjeve të 7 qershorit, kur pati rënie të daljes.
The Special Court will announce its verdict in the case against four former leaders of the Kosovo Liberation Army: Hashim Thaçi, Kadri Veseli, Jakup Krasniqi and Rexhep Selim on September 16 in The Hague. They are accused of war crimes.
