Të premten janë gjetur mbetje eshtërore në fshatin Kalludër, Zubin-Potok, të së paku tre individëve. Sipas Policisë, dyshohen se janë të viktimave të luftës në Kosovë.
Gërmimet në Kalludër patën nisur javët e fundit ku ishte gjetur një varr masiv, më pas patën vazhduar edhe në Jabukë të Zubin-Potokut. Në një lokacion të tretë në Zubin-Potok ishin gjetur po ashtu mbetje mortore më 7 gusht.
Mbetjet e gjetura të premten dyshohen të jenë të viktimave që u vranë më 19 prill 1999. Më këtë datë në Kalludër dyshohet se 23 personat e njohur si “grupi i intelektualëve” ishin rrëmbyer e prej atëherë nuk është ditur gjë për fatin e tyre.
“Me datën 14.08.2026 njësitë përkatëse policore kanë gjetur mbetjet eshtërore të tre (3) individëve, të cilat sipas ekspertit mjeko-ligjor janë me prejardhje njerëzore dhe janë me interes forenzik. Mbetjet eshtërore dyshohet që janë të viktimave të luftës së fundit në Kosovë”, thuhet në raportin e PK-së.
-
New remains of suspected war victims found
-
In the cemetery of Hajvalija, mortal remains are found that are suspected to be of persons missing in the war.
-
Bone remains found in Rahovec, suspected to belong to at least one person missing during the war
-
Bone remains found in Gjakova, suspected to be of a person missing in the war
-
Mortal remains found in Rahovec, suspected to be of war victims