EU calls footage from Mladic's funeral shocking, Kurti accuses Serbia of genocide worship

Presidenti i Këshillit Evropian Antonio Costa dhe presidentja e Komisionit Evropian Ursula von der Leyen, i kanë quajtur shokuese pamjet nga Beogradi, ku të hënën është varrosur me nderime të larta i dënuari për gjenocid, Ratko Mlladiq. E kryeministri në detyrë i Kosovës, Albin Kurti, ka thënë se Serbia nga mohimi i gjenocidit ka kaluar në adhurim të tij

Pas kritikave të shumta për heshtje në lidhje me glorifikimin e kriminelit të luftës Ratko Mlladiq nga Serbia, të martën janë deklaruar presidenti i Këshillit Evropian Antonio Costa dhe presidentja e Komisionit Evropian Ursula von der Leyen.

Ata i kanë quajtur shokuese pamjet nga Beogradi, kur të hënën i dënuari për gjenocid është varrosur me nderime të larta shtetërore në Beograd.

“Pamjet nga funerali i Ratko Mlladiqit dje në Beograd ishin shokuese. Ratko Mlladiq ishte i dënuar për krime lufte. Ai ishte i dënuar me burgim të përjetshëm për gjenocid, krime lufte dhe krime kundër njerëzimit. Vdiq duke vuajtur dënimin me burgim të përjetshëm për gjenocid në Srebrenicë dhe krime të tjera. Elementet e mbështetjes zyrtare dhe prania e disa zyrtarëve serbë në varrim është për keqardhje të thellë. Ky është një dështim për t’u përballur me një kapitull të errët të historisë së re evropiane dhe është kundër vlerave që çojnë Serbinë drejt BE-së”, thuhet në postimet që kanë bërë me të njëjtën përmbajtje presidentja e Komisionit Evropian, Ursula von der leyn dhe presidenti i Këshillit Evropian, Antonio Costa. “Kujtimet tona sot janë me viktimat e krimeve të kryera në hapësirën e ish Jugosllavisë”, thuhet në prononcimet e dy krerëve të dy institucioneve kryesore të Bashkimit Evropian.

Costa dhe Von der Leyen janë kritikuar të hënën edhe nga kryeministri i Kroacisë, Andrej Plenkoviq për heshtje. Shefi i qeverisë kroate ka thënë se glorifikimi i Mlladiqit nga ana e Serbisë nuk është diçka për të cilën mund të flasin vetëm zëdhënësit në BE, por duhet të deklarohen edhe Costa, Von der Leyen dhe Kaja Kallas.

Nga burimet diplomatike mësohet se edhe nga shtetet e tjera është kërkuar që të reagohet në mënyrë më të qartë nga BE-ja.

Në fakt, një ditë më parë, Paula Pinho, zëdhënëse e Komisionit Evropian, në një konferencë për media ka thënë se varrimi i Mlladiqit nuk u bë me nderime shtetërore, ndonëse në të morën pjesë ushtarë serbë, ministra e zyrtarë të tjerë të lartë të Serbisë.

Për qasjen e Serbisë, përkatësisht nderimet që i janë bërë Mlladiqit, ka reaguar të martën edhe kryeministri në detyrë i Kosovës, Albin Kurti. Ai ka thënë se Serbia nga mohimi i gjenocidit në Srebrenicë të Bosnjë-Hercegovinës ka kaluar në adhurim të këtij krimi serb, ku më 1995 janë vrarë mbi 8000 boshnjakë civilë, përfshirë edhe shumë të rinj.

In a Facebook post, Kurti said that Serbia constantly organizes morbid spectacles for future bloodshed.

“Nga varrimi i priftit serb Nikolaj Velimiroviq në maj 1991, e deri te varrimi i Ratko Mlladiqit në shtator 2026, Serbia organizon spektakle morbide për gjakderdhje të ardhshme. Me shërbimin e përlotur fetar të djeshëm të Patriarkut Porfirije te kufoma e Ratko Mlladiqit, Serbia po konfirmohet si teokraci militariste ku politikanët e tyre ftohen për tifozeri klubesh të ndryshme të ligës së njëjtë. Nga dita e djeshme, mohimi është fjalë e pamjaftueshme. Serbia ka kaluar në adhurim shtetëror të gjenocidit”, ka shkruar Kurti në Facebook.

Ai ka kujtuar se Mlladiqi është shpallur fajtor për gjenocidin me mbi 8000 të vrarë në Srebrenicë.

"The Srebrenica genocide is a historical fact proven by mass graves, forensic identifications of thousands of victims, testimonies of survivors and detailed documentation of the operation of killing and hiding the bodies, not a historical interpretation or political accusation. Bosniak men and boys were separated from their families, systematically executed and thrown into mass graves; then many of their bodies were exhumed and scattered in secondary and tertiary graves to hide the traces of the crime. Ratko Mladic was the commander of this machine, not its witness", Kurti wrote. "Slobodan Milosevic has rightly been called the butcher of the Balkans and this butcher had many knives, but Ratko Mladic was his main axe, which official Belgrade now glorifies".

Ka reaguar edhe ministri në detyrë i Punëve të Jashtme, Glauk Konjufca. Ai ka thënë se se nderimi i kriminelit të luftës Ratko Mlladiq nga ana e Serbisë është akt i turpit të thellë moral dhe politik.

“Nderimet ushtarake që iu bënë Ratko Mlladiqit, së bashku me pjesëmarrjen e ministrave të qeverisë në nderimin e tij, përbëjnë një akt të glorifikimit institucional të një njeriu të dënuar për gjenocid. Kjo është zgjedhja që Beogradi bëri sot. Kjo zgjedhje flet gjithashtu për një vazhdimësi më të thellë politike. Serbia sot udhëhiqet nga Aleksandar Vuçiq, i cili shërbeu si ministër i Informacionit në regjimin e Millosheviqit. Dekada më vonë, shteti serb vazhdon t’u japë legjitimitet figurave dhe narrativave të rrënjosura në të njëjtën politikë të spastrimit etnik, zgjerimit territorial dhe mizorive masive që shkatërruan rajonin tonë në vitet ’90. Nderimi i Mlladiqit përmes institucioneve shtetërore tregon se sa shumë nga ajo trashëgimi politike Serbia ende refuzon ta përballet”, ka shkruar Konjufca në rrjetin “X”.

Mlladiq vdiq në fund të muajit të kaluar në Hagë, në moshën 84-vjeçare. Ai ishte duke e vuajtur dënimin me burgim të përjetshëm për krime lufte dhe gjenocid në Bosnjë-Hercegovinë. Njihej ndryshe edhe si “Kasapi i Bosnjës”.