Ka përfunduar të dielën mbrëma Kampionati Evropian për volejbolliste. Në finalen në Stamboll u përballën Turqia e Italia.
Pas një ndeshje shumë të fortë e dramatike, Turqia u shpall kampione e Evropës. Turqia fitoi 3:2 në sete. Italia e fitoi setin e parë me rezultat 25:16, por lojtaret e Turqisë u përgjigjën në të dytin, 25:22.
Italia e fitoi edhe setin e tretë, madje bindshëm, 25:12. Turqia megjithatë nuk u dorëzua. E fitoi setin e katërt, 25:21, dhe të pestin me rezultatin 15:10.
Evropiani është zhvilluar në Turqi, Azerbajxhan, Çeki dhe Suedi. Për Turqinë është titulli i dytë. Të parin e kishte fituar në vitin 2023.