Kimi Antonelli mund ta fitojë titullin në Formula 1 në këtë vikend.
Ngasësi 20-vjeçar i skuderisë së Mercedesit e synon titullin e parë dhe këtë mund ta arrijë në Shtetet e Bashkuara të Amerikës të dielën, por duhet plotësuar disa "kushte".
Që italiani të shpallet kampion i këtij sezoni në Formula 1, ngasësi tjetër i Mercedesit, George Russell, nuk duhet të përfundojë më lartë se pozita e nëntë. Edhe ngasësi i Ferrarit, Lewis Hamilton, nuk duhet të përfundojë më lartë se pozita e pestë.
Antonelli hyn në këtë garë me epërsi prej 102 pikëve, ndërsa Russell në vendin e dytë ka 111 pikë më shumë se Hamiltoni që është i treti. Pas përfundimit të garës në vikend, në Formula 1 mbesin edhe pesë gara tjera. Pra mbesin edhe 125 pikë që mund të fitohen deri në fund.