-
Μετάφραση: Vita Abrashi-Kajtazi
- 2 Σεπτεμβρίου 2026 23:20
- Μοιράστε σε:
Këngëtarja Lizzo ka reaguar pasi një gjykatë federale në SHBA rrëzoi një nga paditë e ngritura kundër saj dhe kompanisë së saj të turneve, “Big Grrrl Touring”, ka shkruar Διαφημιστική πινακίδα.
Këngëtarja ka publikuar një video në Instagram pak pas vendimit, ku nuk foli, por shprehu qëndrimin e saj përmes një mesazhi të shkruar.
“Sot jam e lehtësuar t’ju njoftoj se e kam fituar çështjen kundër meje dhe kompanisë sime të turneve, ‘Big Grrrl Touring’”.
Lizzo ka thënë se të gjitha akuzat e ngritura nga një ish-asistente e gardërobës, e cila kishte punuar në turne për më pak se tri javë, u rrëzuan nga gjykata.
“Të gjitha akuzat qesharake janë rrëzuar. Ishte gjithçka kaq tronditëse, sepse po paditesha nga dikush që, sipas vetë deklaratave të saj, nuk më kishte takuar kurrë. U luta që e vërteta të dilte në shesh dhe, falë avokatëve të mi të jashtëzakonshëm, e vërteta triumfoi”, ka thënë ajo.
Çështja ishte ngritur në vitin 2023 nga Asha Daniels, e cila e kishte akuzuar Lizzon për ngacmim seksual, si dhe diskriminim racor, gjinor dhe për shkak të aftësisë së kufizuar. Lizzo i ka mohuar vazhdimisht dhe kategorikisht këto akuza.
Vetë Lizzo ishte larguar nga çështja në vitin 2024, ndërsa vendimi i fundit e ka nxjerrë nga përgjegjësia edhe kompaninë e saj “Big Grrrl Touring”.
Avokati i Daniels, Ron Zambrano, ka thënë se nuk pajtohet me vendimin e gjykatës.
“Sipas këndvështrimit tonë, vendimi duket se minimizon provat për një mjedis pune me përmbajtje seksuale, duke i vlerësuar incidentet në mënyrë tepër të ngushtë, në vend që të merret parasysh ndikimi i tyre i përgjithshëm”, ka thënë ai.
Ai shtoi se ekipi ligjor është duke shqyrtuar hapat e mëtejshëm.
Pavarësisht këtij vendimi, problemet ligjore të Lizzos nuk kanë përfunduar.
Këngëtarja vazhdon të përballet me një tjetër padi për ngacmim seksual dhe një ambient pune toksik, të ngritur nga tre ish-valltare të saj.
Avokatët e Lizzos i kanë mohuar akuzat, duke i cilësuar ato si një histori të sajuar dhe duke pretenduar se paditë janë bërë nga persona që kërkojnë të përfitojnë financiarisht.
Për momentin, Lizzo e konsideron vendimin e fundit një fitore të rëndësishme dhe ka bërë të qartë se do të vazhdojë të mbrojë veten dhe bizneset e saj ndaj akuzave të tjera.