-
Μετάφραση: Vita Abrashi-Kajtazi
- 10 Σεπτεμβρίου 2026 22:45
- Μοιράστε σε:
Aktorja Kate Hudson ka treguar pse, pavarësisht lidhjes prej gati një dekade me muzikantin Danny Fujikawa, nuk është e interesuar të organizojë një dasmë, ka shkruar Πρώτη γυναίκα.
47-vjeçarja u fejua me Fujikawan në vitin 2021, pas katër vitesh lidhjeje. Gjatë podcastit “Sibling Revelry”, të drejtuar nga vëllai i saj, Oliver Hudson, aktorja tha me shaka se një nga arsyet është kostoja e lartë e një dasme.
“Kjo është një nga arsyet pse nuk dua të martohem, është shumë e shtrenjtë. Unë thjesht dua disa ushqime të vogla. Dua diçka si patatina dhe salcë”, ka thënë ajo.
Hudson ka një vajzë shtatëvjeçare, Rani, me Fujikawan, ndërsa ka edhe dy djem nga lidhjet e mëparshme: Ryder, 22 vjeç, me ish-bashkëshortin Chris Robinson, dhe Bingham, 15 vjeç, me ish-të fejuarin Matt Bellamy.
Aktorja e filmit të famshëm “How to Lose a Guy in 10 Days” ka pranuar gjithashtu se madhësia e familjes së saj e bën të vështirë organizimin e një dasme të vogël.
“Ende nuk jam e martuar. Jam vetëm e fejuar dhe vazhdoj të mendoj për dasmën dhe se çfarë do të bëjmë. Por sa herë fillojmë të mendojmë se kë duhet të ftojmë, Danny thotë: ‘Dua vetëm një dasmë të vogël’. Unë i them: ‘Vetëm familja jonë është rreth 50 persona’. Ka pafund fëmijë, xhaxhallarë, halla dhe kushërinj”, ka treguar ajo.
Vëllai i saj, Oliver, ndërkohë, kujtoi se për dasmën e tij kishte vendosur një rregull të rreptë për të kufizuar numrin e të ftuarve. Ai dhe bashkëshortja e tij, Erinn Bartlett, kishin vetëm 80 të ftuar në ceremoninë e tyre në Meksikë.
“Nuk doja të takoja dikë për herë të parë në dasmën time”, ka thënë Oliver, duke shpjeguar se kishte vendosur të mos ftonte partnerët e miqve të vjetër të gruas së tij.
Hudson ka folur edhe më parë për mungesën e dëshirës për t’u martuar. Vitin e kaluar, ajo tha se i pëlqen “ideja për të qenë e fejuar përgjithmonë” dhe se nuk e tërheq ideja e planifikimit të një dasme të madhe.
Në një intervistë për “The Drew Barrymore Show”, ajo ka shpjeguar se e shqetëson edhe ideja e martesës si një marrëveshje ligjore.
“Kontrata është diçka që më vështirëson gjërat. Më pëlqen liria ime dhe nuk më pëlqen ideja e nënshkrimit të një kontrate me qeverinë”, ka thënë Hudson.
Ajo e lidh këtë qëndrim edhe me mënyrën se si është rritur. Prindërit e saj, aktorët Goldie Hawn dhe Kurt Russell, nuk janë martuar kurrë, edhe pse kanë qenë bashkë për dekada.
“Ata nuk e kanë nënshkruar kurrë atë kontratë. Ata janë të fejuar që kur unë isha shtatë vjeç”, ka thënë Hudson.