-
Μετάφραση: Vita Abrashi-Kajtazi
- 14 Οκτωβρίου 2026 09:51
- Μοιράστε σε:
Një dokumentar i ri për Michael Jackson do të publikohet në muajin shkurt të vitit 2027 në platformat Hulu dhe ESPN. Filmi, me titull “Spectacle: Michael Jackson at the SuperBowl”, do të tregojë prapaskenat e përgatitjeve të këngëtarit për performancën e tij ikonike në pushimin e finales së Super Bowlit në vitin 1993, ka shkruar Ποικιλία.
“Spectacle: Michael Jackson at the SuperBowl Teaser:
Dokumentari do të përmbajë pamje të papublikuara më parë të Jacksonit dhe ekipit të tij, duke zbuluar se si u përgatit një nga shfaqjet më të rëndësishme në historinë e muzikës dhe televizionit.
Performanca e Jacksonit ndryshoi mënyrën se si publiku e shihte spektaklin e pauzës ndërmjet dy pjesëve të lojës së futbollit amerikan, “SuperBowl”. Përpara tij, skena dominohej kryesisht nga grupet muzikore dhe artistë tradicionalë. Pas suksesit të tij, kjo hapësirë u kthye në një nga ngjarjet më të ndjekura të kulturës pop, ku më vonë performuan yje si Prince, Beyoncé, Bruce Springsteen, grupi U2 dhe Bad Bunny.
Në vitin 1993, Jackson mahniti publikun me koreografinë, kostumet dhe interpretimin e këngëve të njohura si “Billie Jean”, “Black or White”, “Jam”, “We Are the World” dhe “Heal the World”.
Dokumentari do të drejtohet nga Bao Nguyen, i njohur për filmin dokumentar “The Greatest Night in Pop”, që trajton prapaskenat e regjistrimit të këngës “We Are the World”.
Projekti vjen pas suksesit të filmit biografik “Michael”, ku rolin e këngëtarit e luan nipi i tij, Jaafar Jackson. Ndërkohë, për këtë film biografik është duke u përgatitur edhe një vazhdim.