Boksieri i Kosovës, Bashkim Bajoku, nuk ka arritur të siguroj medalje në Evropianin e boksit që po mbahet në Sofje të Bullgarisë.
Bajoku i kategorisë 55 kilogramë, të martën në luftën për gjysmëfinale, humbi nga boksieri i Turqisë, Semih Gumush. Ai e humbi luftën me rezultat 5:0.
Bajoku në xhiron e parë e mposhti boksierin nga Izraeli, Farid Hreish.
Në xhiron e dytë, Bajoku mposhti boksierin nga Shqipëria, Kristijan Koço. Por në çerekfinale humbi nga turku Gumush.
“Bashkim Bajoku përfundon Kampionatin Evropian në vendin e 5-të, duke zhvilluar një paraqitje të mirë dhe duke qenë në mesin e tetë boksierëve më të mirë të Evropës në kategorinë 55 kilogramë. Federata e Boksit e Kosovës e përgëzon Bashkim Bajokun për paraqitjen dhe rezultatet e arritura në Kampionatin Evropian”, shkruan në njoftimin e FBOXK-së.