-
Από:
Vita Abrashi-Kajtazi
- 3 Σεπτεμβρίου 2026 17:28
- Μοιράστε σε:
Me ardhjen e vjeshtës, ekspertët këshillojnë që njerëzit të mendojnë për vaksinën kundër gripit. Sipas të dhënave federale amerikane, vaksinat parandaluan rreth 10 milionë raste sëmundjesh të lidhura me gripin vitin e kaluar, ka shkruar Η Ανεξάρτητη.
Ekspertët rekomandojnë që vaksinimi të bëhet kryesisht gjatë muajit shtator ose tetor, ndërsa në disa zona mund të jetë e nevojshme të kryhet edhe më herët.
“Zakonisht e rekomandoj vaksinimin gjatë tetorit dhe jo më vonë se nëntori”, ka thënë doktori Stephen Thacker, specialist i sëmundjeve infektive te fëmijët.
Vaksinës i duhen rreth dy javë për të vepruar
Pas vaksinimit, trupit i duhen rreth dy javë për të krijuar mbrojtjen e nevojshme. Për këtë arsye, ekspertët këshillojnë që vaksina të merret përpara se gripi të përhapet gjerësisht.
Koha mund të ndryshojë sipas rajonit, ndaj rekomandohet të ndiqen edhe njoftimet lokale për rritjen e rasteve të gripit.
Ποιος κινδυνεύει περισσότερο;
Vaksina rekomandohet për personat nga 6 muajsh e lart. Rrezik më të madh për komplikime nga gripi kanë: fëmijët nën 5 vjeç, gratë shtatzëna, personat me sistem imunitar të dobët, si dhe të moshuarit mbi 65 vjeç.
Një vaksinë e re për personat mbi 50 vjeç
Këtë sezon është shtuar edhe vaksina e parë kundër gripit me teknologji mRNA, e zhvilluar nga Moderna dhe e miratuar për personat mbi 50 vjeç.
Sipas të dhënave të raportuara, kjo vaksinë është rreth 25 për qind më efektive në mbrojtjen e kësaj grupmoshe krahasuar me vaksinat tradicionale. Megjithatë, ekspertët paralajmërojnë se në disa vende mund të ketë vonesa në furnizim.
Rastet me grip janë ende të pakta, por sezoni po afron
Aktualisht, nivelet e gripit në SHBA janë të ulëta, por kjo pritet të ndryshojë me përparimin e vjeshtës. Ekspertët theksojnë se vaksinimi në kohë është mënyra më e mirë për të krijuar mbrojtje përpara kulmit të sezonit.
Në përgjithësi, tetori konsiderohet momenti ideal për shumicën e njerëzve, ndërsa vaksinimi mund të bëhet edhe në nëntor nëse nuk është kryer më herët.