-
Από:
Αριάνιτα Χότι
- 17 Αυγούστου 2026 19:03
- Μοιράστε σε:
Pas Bedri Hamzës (PDK) e Ardian Gjinit (Aleanca) edhe Lumir Abdixhiku, kryetar i Lidhjes Demokratike të Kosovës, e ka refuzuar ftesën e ushtrueses së detyrës së presidentit, Albulena Haxhiu, për takimin konsultativ për të martën. Në LDK kanë thënë se kanë refuzuar takimin pasi konsiderojnë se Haxhiu është vetëm një nga deputetët e Kuvendit të Kosovës. Në këtë subjekt janë shprehur të hapur të takohen me kryeministrin në detyrë, Albin Kurti
Ushtruesja e detyrës së presidentit, Albulena Haxhiu, është refuzuar edhe nga kryetari i Lidhjes Demokratike të Kosovës, Lumir Abdixhiku, për takimin me partitë politike të thirrur për të martën.
Në një përgjigje për KOHËN, LDK-ja ka bërë të ditur se nuk do të marrë pjesë në takim, pasi konsiderojnë se Haxhiu, në këtë fazë, është vetëm një nga deputetet e Kuvendit të Kosovës.
“LDK-ja nuk merr pjesë në takimin e thirrur nga zonja Haxhiu, pasi konsiderojmë se ajo është vetëm një nga deputetet e Kuvendit të Kosovës. Ne jemi të hapur të bisedojmë me kryetarin e LVV-së, z. Albin Kurti, që sa më shpejt ta zhbllokojmë situatën politike në vend, duke i ofruar Kosovës president”, thuhet në përgjigjen e LDK-së.
E ish-kryeministri e deputeti i kësaj partie, Avdullah Hoti, ka deklaruar se LDK-ja është e gatshme të kontribuojë në zgjidhjen e ngërçit institucional dhe në zgjedhjen e presidentit të vendit.
“Besoj që kërkesa jonë ka qenë legjitime për balancë të institucioneve, por duke u përballur me bllokadë të institucioneve në mënyrë jo kushtetuese, prandaj e kemi këtë nismë legjislative, ne kemi hequr dorë nga ajo kërkesa jonë edhe kemi treguar gatishmërinë tonë që në fazën kur vijmë pra te diskutimi për ta zgjedhur presidentin, të jemi konstruktivë në gjetjen e një zgjidhjeje të përshtatshme dhe të pranueshme për gjithë spektrin politik”, ka theksuar Hoti.
Nga Presidenca nuk kanë treguar nëse takimi do të mbahet edhe pas refuzimit të LDK-së.
επίσης
Η κοινωνία των πολιτών επέκρινε το PDK επειδή δεν εμμένει στη θέση του.
U.D. e presidentit, Albulena Haxhiu, kishte ftuar liderët e partive politike ose përfaqësuesit e tyre për një takim të përbashkët të martën në ora 9:00.
Η συνάντηση, όπως συγκάλεσε ο Χατζίου, είναι συμβουλευτική και πραγματοποιείται σε σχέση με τις τρέχουσες πολιτικές και θεσμικές εξελίξεις και τη σημασία της επίτευξης συμφωνίας για έναν συναινετικό πρόεδρο, καθώς και για τον σχηματισμό άλλων θεσμών.
E kreu i VV-së e kryeministri në detyrë, Albin Kurti, ka refuzuar të flasë kur është pyetur nga gazetarët për zhvillimet e fundit politike.
Ai ka zgjedhur të flasë vetëm për projektin e Parkut Industrial në Lluzhnicë të Podujevës.
Çështja e presidentit mbetet një nga nyjat kryesore të krizës institucionale.
Analisti i çështjeve politike, Mazllum Baraliu, vlerëson se zgjidhja duhet të kërkohet përmes dialogut ndërmjet Lëvizjes Vetëvendosje dhe Lidhjes Demokratike të Kosovës.
Sipas Baraliut, edhe pas refuzimit të LDK-së për të marrë pjesë në takimin e Haxhiut, LVV-ja duhet të vazhdojë komunikimin me partinë e Lumir Abdixhikut, me qëllim që të arrihet një marrëveshje për zgjedhjen e një presidenti konsensual.
“Mbetet i vetmi solucion dhe e vetmja alternativë ose zgjidhje që me LDK-në fituesi i zgjedhjeve të ketë kontakt dhe të bëjë një zgjidhje... qoftë marrëveshje vetëm për presidentin. Të tjerat janë të zgjidhshme. Çështja e votave për zgjedhjen e kryetarit, nënkryetarëve ekziston, po ashtu marrëveshja për votim në pako ekziston. Po ashtu, edhe sa i përket qeverisë, numrat ekzistojnë. Çështje kyçe e ngërçit është presidenti”, ka thënë Baraliu.
επίσης
Μικρή ετοιμότητα για μια κυβέρνηση «αρκετών μηνών»
Ai thotë se partitë kanë mundësi të gjejnë variante dhe alternativa për tejkalimin e krizës, por për këtë sipas tij nevojitet gatishmëri reale për kompromis.
Të dielën përmes një postimi në rrjetet sociale, U.D. e presidentit Albulena Haxhiu ka shprehur keqardhje për refuzimin e ftesës nga partitë opozitare dhe i ftoi ato që të reflektojnë.
