Σε έξι μήνες φυλάκιση καταδικάστηκε το άτομο που απείλησε τον πρωθυπουργό

Me 6 muaj burgim, Gjykata Themelore në Prishtinë e ka dënuar Kadri Xhemailin, i akuzuar për kanosje ndaj kryeministrit në detyrë, Albin Kurti.

Sipas Prokurorisë, i pandehuri në tetor të 2025-s, me dashje dhe me qëllim të frikësimit e ka kanosur Kurtin përmes rrjetit social Facebook, duke i thënë se do ta privojë nga jeta, konkretisht me fjalët: “Ah Albini e meriton me ja shpue kryt por nejse i vjen reni edhe atij”.

Gjyqtari Rrahman Beqiri tha se i akuzuari është fajtor për veprën penale me të cilën ngarkohet. 

“Gjykata bazuar në dispozitat e Kodit Penal dhe Kodit të Procedurës Penale, i shqipton dënim në kohëzgjatje prej 6 muajsh, i cili vendim do të ekzekutohet në afat prej 30 ditësh”, ka njoftuar Beqiri. 

Gjatë shpalljes së aktgjykimit, por edhe në seancën dëgjimore nuk ishte i pranishëm Kurti, për çka gjyqtari Beqiri tha se ai e ka pranuar ftesën, ndërsa mungesën nuk e ka arsyetuar.

επίσης ΒΡΑΔΙΝΕΣ ΕΙΔΗΣΕΙΣ 19 2026 Μαΐου Υπολοχαγός της αστυνομίας του Κοσσυφοπεδίου καταδικάστηκε σε 6 χρόνια φυλάκισης για κατασκοπεία υπέρ της Σερβίας

E paraprakisht prokurori special, Bekim Kodraliu, e njoftoi Gjykatën se ka arritur marrëveshje për pranimin e fajësisë me të akuzuarin Xhemaili. 

“Marrëveshja për pranimin e fajësisë është arritur me vullnet të lirë, pa asnjë presion. Pas konsultimit të mjaftueshëm të pandehurit me të mbrojturin e tij, i njoftuar me pasojat dhe benefitet e pranimit të fajësisë dhe se aktakuza e ngritur është e mbështetur në prova të ligjshme dhe të cilat vërtetojnë se i njëjti i ka marrë veprimet si në dispozitiv të aktakuzës. Meqë marrëveshja është e mbështetur në Kodin e Procedurës Penale, kërkoj nga ju që ta aprovoni marrëveshjen për pranimin e fajësisë”, ka thënë Kodraliu.  

Edhe mbrojtësi i të pandehurit, avokati Rinor Arifi, pohoi se mbrojtja mbetet pranë marrëveshjes së arritur me Prokurorinë për pranimin e fajësisë. 

“Konsiderojmë se te gjitha kushtet ligjore për pranimin e kësaj marrëveshjeje janë plotësuar duke pasur parasysh se i mbrojturi im është konsultuar me mua si mbrojtës, fillimisht me natyrën dhe pasojat juridike të pranimit të fajësisë”, ka theksuar Arifi. 

E i akuzuari Xhemaili shprehu pendesë për rastin.

επίσης ΒΡΑΔΙΝΕΣ ΕΙΔΗΣΕΙΣ 19 Δεκεμβρίου 2026 Ο Εντρίτ Νίκα καταδικάστηκε σε 18 χρόνια φυλάκισης για τη δολοφονία της Αργεντινής φίλης του

“Jam fajtor. Kërkoj falje për këto veprime”, ka deklaruar Xhemaili.

Gjykata njoftoi se i akuzuari ka të drejtë ankese lidhur me lartësinë e dënimit. Por, as ai dhe as mbrojtja e tij nuk thanë se do të ankohen.