Një fëmijë ka pësuar lëndime trupore si pasojë e një aksidenti trafiku që ka ndodhur sot rreth orës 12:00 në fshatin Vitomiricë të Pejës.
Sipas zëdhënësit të Policisë, Driton Rugova, fëmija është goditur nga vetura rreth orës 12:00.
Si pasojë e përplasjes, fëmija ka pësuar lëndime trupore dhe është dërguar në Spitalin e Përgjithshëm në Pejë, ku ka marrë trajtim mjekësor.
Njësitet kompetente policore kanë dalë në vendin e ngjarjes dhe kanë nisur veprimet hetimore për të zbardhur rrethanat dhe shkaqet e aksidentit.