Policia e Kosovës ka bërë të ditur se ka arrestuar në Prishtinë tre të dyshuar për shitblerje të substancave narkotike, mbajtje në pronësi apo posedim të paautorizuar të armëve dhe manipulim me prova.
“Operacioni është realizuar pas një pune hetimore dhe operative, përmes së cilës zyrtarët policorë kanë arritur t’i identifikojnë dhe zbulojnë personat e dyshuar për kryerjen e këtyre veprave penale. Pas intervistimit, në koordinim me Prokurorin e Shtetit, dy nga personat e dyshuar janë dërguar në mbajtje”, ka njoftuar Policia e Kosovës.