Një aksident i rëndë trafiku ka ndodhur rreth orës 00:02 në fshatin Cërrc të Istogut, ku janë përfshirë dy automjete.
Sipas Policisë, si pasojë e aksidentit, tre persona kanë pësuar lëndime trupore dhe janë dërguar për trajtim në Spitalin Rajonal të Pejës.
Njëri prej të lënduarve, sipas ekipit mjekësor, ka arritur në spital pa shenja jete.
Pas trajtimit mjekësor në Spitalin Rajonal të Pejës, njëri nga personat e lënduar, për shkak të natyrës së lëndimeve, është dërguar për trajtim të mëtejshëm në Qendrën Klinike Universitare të Kosovës (QKUK) në Prishtinë.
Rasti është duke u hetuar nga Njësia Rajonale e Komunikacionit Rrugor në kuadër të Drejtorisë Rajonale të Policisë në Pejë.