Plot nëntë lojtarë të Udineses ishin të angazhuar në ndeshje ndërkombëtare. Në mesin e tyre edhe mbrojtësi Mërgim Vojvoda.
Vojvoda u paraqit 360 minuta për Kosovën, më shumë se çdo lojtar tjetër i Udineses i angazhuar me përfaqësueset e tyre.
“Katër nga nëntë lojtarët e thirrur në ekipe kombëtare nuk u futën në fushë as për një minutë. Lojtari më i lodhur ishte padyshim Vojvoda, të cilin trajneri i Kosovës e futi në aksion si titullar në të katër ndeshjet e Ligës së Kombeve, pa u nxjerrë kurrë nga fusha”, shkruan “tuttomercatoweb” të mërkurën.
Vojvoda 31-vjeçar është lojtari me më së shumti paraqitje te Kosova. Nga viti 2017 për Kosovën ka luajtur 70 ndeshje.