Leon Avdullahu e ka shënuar golin e parë në Bundesligën gjermane. Avdullahu shënoi supergol për Hoffenheimin në përballjen ndaj Borussia Dortmundit.
Hoffenheimi të shtunën pasdite në kuadër të xhiros së dytë u mposht nga Dortmundi me rezultatin 3:2.
Avdullahu shënoi gol të bukur nga distanca në minutën e 45-të për epërsinë e Hoffenheimit.
Ndërkohë, në minutën e 86-të, Albian Hajdari shënoi autogol, duke i dhënë Dortmundit epërsinë 3:2.
Ky ishte edhe goli vendimtar i takimit, me Dortmundin që në fund siguroi fitoren.
Dy golat e tjetër për “verdhezinjtë” i realizuan Serhou Guirassy dhe Fabio Silva.
Mesfushori Avdullahu e mbrojtësi Hajdari e kompletuan ndeshjen te Hoffenheimi.
Ndërsa Fisnik Asllani për shkak të lëndimit i mungoi Hoffenheimit.
Dortmundi ka gjashtë pikë, Hoffenheimi mbetet pa pikë.
