Problemi që Real Madridi dhe presidenti i La Ligas, Javier Tebas, e kanë për kohë të gjatë, do të zgjidhet në Gjykatën Administrative për Sport. Kështu është bërë e ditur nga Këshilli i Lartë i Sporteve në Spanjë, shkruan mediumi spanjoll Sport të enjten.
Çështja mes palëve u përshkallëzua ditë më parë, kur Tebas, i cili është edhe nënpresident i Federatës së Futbollit të Spanjës, e ka krahasuar klubin madrilen me nazistët.
Ai ka shkruar se metoda e komunikimit të Real Madridit me publikun, është e njëjtë me mekanizmat e propagandës së përdorur nga Joseph Goebbels, ministri i propagandës në Gjermaninë naziste, shkruan Goal.